Chega a T7! (X)

(Marko Czalic - Montreal)

Chéganos por fin a resposta á entrevista de presentación de tempada dos responsables de Ordem e Progresso. Só o equipo africano dos Ubembe vai responder despois dos arraianos, probablemente porque son negros. E. Galeano achegou persoalmente o noso cuestionario ao bo de Dino Zoff e isto foi o que atopou.

Ordem e Progresso

Con media tempada de retraso, chega a presentaçom do Ordem e Progresso nesta T7. Hoje, achegamo-nos até a casa de Zoff, onde sacha patacas e coida umha hortinha para matar o tempo livre, "ademais no magosto vou ás castanhas" nos comenta. Falamos de jeito relaxado co técnico do Ordem, mentres ele, acompanhado polo seu cão de palheiro "Troski", roça o monte comum para fazer-lhe a cama aos coelhos na corte, "e mais para que nom arda" sublinha ele, "que os incéndios no vrão som-che a desgraça mais grande desta terrinha".

1. Cóntenos algo sobre o seu clube que non sexa coñecido pola opinión pública.
Se quadra a gente nom sabe que, desde que se retirou o Beckenbauer retirou-se com ele o dorsal número 5 do Ordem. Foi-che mui emotivo, si ho!
2. Cal é o partido da historia do clube do que garda mellores lembranzas? Poderíao comentar un pouco?
Eu nom lhe levo aquí desde sempre, mas creio que aquí tem-se sofrido mais que outra cousa. Home, conseguimos em vários partidos que o rival nom anotara, mesmo nalgum quedamos a zeros.
3. Lembra quen marcou o gol 100 do seu equipo? Se é así, quen foi?
Meteu-no Breitner, creio, já lhe digo que eu cheguei na T4. O 200 meteu-no Sand o outro dia, e nom che nos serviu de muito, nom ho! que perdemos contra o Análisis na Kopa do Pollo.
4. Quen é o mellor xogador que pasou polo clube?
Os 18 que tenho agora. Todos os que estam aqui som cos que tenho que trabalhar e portanto, para mim som os melhores do mundo. Já me encargarei eu de exprimi-los bem, dea-o por feito.
5. Que xogador fichado polo seu clube foi a maior decepción, a nivel individual?
Tardelli, recomendei-no eu, e deixou-me quedar mal perante a torcida. Esta temporada os da Assembleia fizerom-lhe-me caso a Franz para a planificaçom. O Beckenbauer as vezes passa-se por aquí para falar com nós, entende-che muito do choio este do futebol, sabe?
6. Que xogador dos que nunca estiveron no seu clube preferiría como compañeiro, futbolisticamente falando?
Home, já sei por onde vas, pilhabám. Home, para mim seria um honor estar baixo a trave do OeP num jogo oficial. E quem sabe? nom?
7. Cal é o estilo de xogo tradicional do seu equipo? Pensan mudar algo substancial, na tempada que comeza?
Eu só garanto, trabalho, trabalho e trabalho, o resto já se verá. Em qualquer caso a gente fala do catenaccio mecánico, mas todo isso nom som mais que andrómenas.
8. Cal foi a tempada da que máis se desfrutou no entorno do equipo, até a data?
Já lhe digo que aquí só estamos para sofrer. O clube está em crise permanentemente. Esta T7 ainda a imos levando mas manhã ao melhor é diferente.
9. Cal é a ideoloxía do seu equipo, ou a maioritaria entre os seareiros?
10. Que opina do regulamento? Coñéceo? Que lle gustaría mudar?
Eu se me quitas das pitas, e mais do trabalho cos futebolistas já nom sei que dizer-che. Melhor pergunta-lhe a Breitner que está no sindicato, esse sabe-che latim, comprende?
11. Podería dicir os nomes dos xogadores que nunca abandonaron o clube -desde a T1-, se os hai?
Som Cech, e Materazzi, mas volverom agora algúns dos pioneiros, Gio e mais Essien estiverom entre os primeiros 18. Ademais de Breitner, que apesar de chegar depois, também é histórico ao seu jeito, claro, ele sempre faz todo ao seu jeito, nunca se lhe pode dizer nada a el, claro, também é que che trabalha mui bem o rapaz, sabe? É como um mais, mas cum génio! estes alemans! isso si, um fenómeno dentro e fora do campo, entende?
12. Expectativas propias e favoritos para a LPU7.
Home, já sabe, com ir tirando. O objectivo ao começo é sempre a permanência, e melhor que isso, pois o que venha! O Partisano esta-che bem, nom esta? Assí a todo hai-che muita igualdade e até o final nunca se sabe.
13. Engada algo.
Mire, agora de paso que voltamos, passamos a recolher as vacas que já lhe som horas, e despois vou-che dar um saquinho de patacas, que como estas nom as topas no supermercado, e umhas leituginhas. E de aquí nom marchas sem cear, nom ho! Que tenho uns chouriços da matança, que já verá...