A Pollo e Shakhtar sáelles todo

(Marko Czalic - Montreal)

Os últimos encontros da primeira volta tiveron dous claros beneficiarios. Por unha banda, o equipo máis carismático do Universo, facendo unha inesperada exhibición de solidez, recuperou o pulso do seu inicio de liga -mais esquecendo o estilo cocho- e voltou ás primeiras prazas. Na xornada 7 foi quen de derrotar a Ordem e Progresso (3-2) nun emocionante partido, con accións de grande mérito técnico, como o golazo de Bergkamp preto do final. Na xornada 8 visitou ao invicto G&H, segundo na clasificación. Un reto certamente duro e máis cando os de Sir Nigel tomaron vantaxe no primeiro tempo (1-0). Pero o Pollo foi de cara, de poder a poder, loitou polo dominio e acadouno. Pasado o minuto 70, unha boa apertura á dereita deu vantaxe a Ljungberg, quen aproveitou para colocar o centro sobre Zlatan que o xogador nado en Malmö rematou cunha ortodoxia descoñecida nel. O Pollo mesmo puido levar o partido, pero ao final (1-1) repartiu os puntos. Despois, unha victoria ao xeito dun grande (2-0) sobre o incómodo Swazilandia BP (os seus partidos teñen a media de goles máis baixa) permitiulle, gracias ao último gol, ascender ao cuarto lugar na clasificación, con aspiracións a todo na seguda volta. Pola súa banda, o líder Shakhtar visitaba o maxestuoso estadio de Mbabane. Os non-canadianos, favorecidos polo empate de G&H, tiveron que remontar un tanto acadado de penalti por Kalusha Bwalya para acabar impóndose (1-2) nun partido máis traballado que brillante no que Shevchenko quedou sen ver porta por 3ª vez consecutiva.

	CLASIFICACIÓN T3
		X	G	E	P	F	C	P	D
1	Shakhtar de Montreal	8	7	0	1	26	11	21	15
2	Gloria y Honor	8	5	3	0	16	4	18	12
3	Partisano Clash	8	5	0	3	13	11	15	2
4	Pollo FC	8	4	2	2	17	12	14	5
5	Asaltacunas FC	8	4	2	2	18	14	14	4
6	Torpedo de Zagreb	8	3	1	4	16	19	10	-3
7	Swazilandia FC	8	1	2	5	6	12	5	-6
8	Ordem e Progresso	8	1	1	6	11	22	4	-11
9	Che Marx	8	0	1	7	4	22	1	-18

Máis do mesmo na Kopa

Tralo polémico mini-draft invernal, xa axeitadamente pormenorizado polo Hándicap, desputáronse dúas eliminatorias de cuartos de final da Kopa. E aquí foron tamén Pollo e Shakhtar os que sacaron a rifa gañadora, en eliminatorias con certos parecidos no seu decurso.

Na ida, os do presidente lograron superar 0-3 ao Monstro Dormente. Mentres, no estadio de OeP, Shevchenko recuperou o gol, anotando 2 nun traballado encontro, co que se chegaba aos derradeiros minutos con marcador axustado (1-2). Entón Zico botou de recanto coa súa clase habitual cara a testa de Lúcio, que non errou (1-3).

Todo parecía decidido na volta, pero axiña se viu en ambos encontros a importancia decisiva do terceiro gol acadado polos gañadores nos partidos de ida. Che Marx adiantouse no estadio de Pollo e durante moitos minutos provocou incerteza. Preto do final, os poliños deron volta ao resultado para un 5-1 global. Algo semellante aconteceu na ribeira do San Lourenzo. Cun frío dos que fan época, Messi, si Messi, cabeceou o 0-1. Mais isto non debe resultar tan estraño se un repara na caste de centros que e capaz de colocar a xente de OeP. A precisión nesta sorte dos Bergkamp, Breitner, Boban, Beckenbauer ou o propio Messi permiten anotar coa testa a calquera. Logo, o Ronaldinho demostrou a utilidade de facer adestramentos de 10 horas e con dúas magníficas accións individuais deixou a eliminatoria en franca vantaxe local. Evidentemente, sen o gol de Lúcio na ida, o desenvolvemento do partido tras do 0-1 tería sido ben diferente. Foi nesta eliminatoria na que, tras 3 partidos certamente agónicos en liga, o Shakhtar recuperou o seu mellor nivel da man, claro, de Shevchenko, autor de dous goles máis. Con 5-1 no marcador, fabuloso centro, outro máis, de Messi e testarazo de Breitner, si Breitner, para certificar o 5-2 final. Mágoa por OeP e Che Marx, dous equipos de grande potencial dos que prognostico que han reaxir na segunda volta do campionato.

P. Clash, Pollo e Shakhtar agardan xa polo 4º semifinalista. O tan agardado Gloria-Torpedo da previa (que finalmente resultou postvia) debe decidir primeiro o rival de Swazi nos cuartos de final.

Festa gorda, xa que logo, en Malmö e Montreal, que explica parcialmente o retraso nesta crónica.