Un inicio xa familiar

(Marko Czalic - Montreal)

Como xa saben, comezou a T5 e fíxoo, sobre todo a nivel de resultados, dun xeito moi semellante á tempada pasada. Asaltacunas lidera de novo de xeito solvente a clasificación, méritos á marxe, cun pleno de vitorias que o sitúa "fóra da lei", pois supera os coñecidos 2 puntos por partido estabelecidos no "Pacto de Korntzatr". O Pollo, pola súa banda, realizou un inicio moi esperanzador cun calendario esixente. Os seus innumerables fans agardan unha confirmación desta tendenza que, atendendo ao xogo exhibido, semella moi probable. Gloria e Shakhtar empezaron un chisco frouxos, concedendo demasiada vantaxe pola súa calidade de teóricos favoritos. Swazilandia promete, mentres Che Marx continúa iterando na busca da solución axeitada. O Torpedo, como se dixo, volveu facer gala de certa inconsistencia, pero cun só partido desputado non é doado tirar conclusións.

LPU 5

X1

Shakhtar 3-3 Gloria

Espléndido partido para iniciar a competición oficial. O Shakhtar empezou moi forte e froito do seu dominio, nunha boa xogada, Lampard anotou a pase de Zico. Porén, G&H amosou a súa pegada e en dúas xogadas virou o marcador sen esforzo. Primeiro cun córner en curto para Zambrotta que chegou a pés de Eusebio, quen aproveitou unha marcaxe levemente laxa para fusilar a Yashin. Xusto a continuación, unha xogada entre Cruyff e Seedorf concluiu cun potente disparo do último, que pasou entre 2 defensas e Yashin só puido tocar inutilmente. O Shakhtar revolveuse ante o fatalismo cun tremendo zapatazo á escadra de Zico desde uns 25 metros, e fixo xustiza ao primeiro tempo cunha excelente combinación: Shevchenko inventou un pase excelente cara a liña de fondo onde Zico, lanzado ao chan, gañou por pouco a partida a Zanetti enviando un centro atrás que Toni aproveitou para volear a gol ante un Schmeichel descolocado (3-2). Os visitantes reaxiron no 2º tempo até que Eusebio superou a Lucio e Yashin cun pase xenial que Seedorf empurrou a porta baleira. A partir de aí, cunha certa aprensión por ambas partes de verse derrotados tras amosar tanto, houbo reparto de ocasión claras para rematar nun empate xusto.

Asaltacunas 1-0 Pollo

X2

Pollo 1-0 Shakhtar

A primeira media hora arrasadora do Pollo, con 3 balóns á trabe, non variou o empate inicial. O Shakhtar equilibrou o xogo no último cuarto de hora e Shevchenko rozou o gol. O segundo tempo mantivo o equilibrio até que Koller, sorprendentemente áxil, recibiu, parou, xirou e lanzou con potencia e precisión (1-0). Nos últimos minutos, o intento de ofensiva total do Shakhtar deu por resultado dúas madeiras máis dos suecos á contra. Vitoria xusta.

Swazi 2-1 Che

Inicio de tempada en Mbabane, nun partido dominado a nivel xeral polos locais. Un bonito lanzamento axustado de Basturk deu vantaxe, que Ubembe dobrou tras do descanso. Un man a man de Henry, ben resolto polo francés, deu emoción aos instantes finais.

X3

Asaltacunas 4-1 Torpedo

Gloria 1-2 Pollo

Primeira vitoria visitante da liga, acadada por un Pollo aguerrido e valente que tivo que adiantarse por dúas veces por medio de Zlatan para superar ao seu poderoso rival. Eusebio anotou o gol local.

KOPA DO POBO / KOPA LPU

1/32 final

Swazi 2-0 Che

Reedición do partido de liga, con desenvolvemento semellante. Desta volta foi Milla o executor, sentenciando a 10 minutos do final, co gol 100 da historia de Swazi, a primeira vitoria dos africanos nunha elimiatoria kopeira.

1/16 final

Shakhtar 4-2 Swazi

Bonito espectáculo no Quebec. Aos quince minutos o dominio local reultou nun córner executado por Zico que a defensa rexeitou con apuros cara o lateral da área. Littbarski, no seu debut, recolleu, penetrou e mandou atrás onde o xove Vyatcheslav Azutkin controlou e disparou un balón que, tras petar nun defensa, acabou na porta de Julio Cesar. Despois, grande apertura de Toni á esquerda, excepcional centro do excepcional Czalic e testarazo potente de Littbarski (2-0). Swazi reaccionou dando entrada a Pele por Essien e a Toure por un mal Silvestre. A primeira aproximación africana concedeulles un córner que Pele anotou directamente, de xeito snsacional, tras rozar levemente en Igro Czalic. Shevchenko asumiu entón o mando e conseguiu un gol fantástico en xogada persoal. Pouco despois, Zico picou cara o vértice dereito da área e Shevchenko, orientado ao córner e gañando a acción a 2 defensas, centrou de primeiras ao 2º pau para que Toni cabecease de xeito inapelable. Swazi voltou ao encontro cando Kempala atopou a Pele, que desfixo a Krstajic e superou a Yashin desde fóra da área (4-2). O segundo tempo, aberto e igualado, puido gañar emoción ao final, cando Pele, sobresaliente, enviou á madeira e aínda, pouco despois, Milla marrou unha boa ocasión.

	CLASIFICACIÓN LPU5
		X	G	E	P	F	C	P	D
1	Asaltacunas FC	2	2	0	0	5	1	6	4
2	Pollo FC	3	2	0	1	3	2	6	1
3	Swazilandia BP	1	1	0	0	2	1	3	1
4	Gloria y Honor	2	0	1	1	4	5	1	-1
5	Shakhtar de Montreal	2	0	1	1	3	4	1	-1
6	Ordem e Progresso	0	0	0	0	0	0	0	0
7	Partisano Clash	0	0	0	0	0	0	0	0
8	Che Marx Ltd.	1	0	0	1	1	2	0	-1
9	Torpedo Zagreb	1	0	0	1	1	4	0	-3

KOPA LIGA T5
1/32
Swazilandia BP	2
Che Marx Ltd.	0
1/16
Shakhtar de Montreal	4
Swazilandia BP	2
1/8
Torpedo Zagreb
Shakhtar de Montreal
Ordem e Progresso
Pollo FC