Comeza a T5. Asaltacunas 4 - Torpedo 1

(Redacción)

Ano novo, vida nova. Ou non, O Torpedo comeza a nova tempada caendo no seu primeiro encontro. Iso si, era contra o actual campión, o Asalta, e en terreo alleo.

Para complicar un pouco máis as cousas, Van Bommel foi baixa a última hora por unhas molestias musculares. Vladic non se recuperou a tempo dunha gastroenterite, mais estivo no once inicial. Á marxe de que Odonkor non podía participar unha claúsula do seu contrato de cesión que lle impide xogar contra o equipo propietario da sua ficha.

O Torpedo comeza con:

Banks
Thuram(min.45 Bilic) ,Maldini,Chivu,Cole
Emerson,Borowski,Ballack
Boniek,Vladic(min.33 Kalazde) , Dzajic

Namentres que polo Asalta xogan:

Buffon
Krol, Campbel, Milito, Puyol
Rijkaard, Humberto
Joe Cole
Maradona, Weah, Gullit


Non tardou Gullit en poñer por diante ós locais, tras golpear a Emerson e a Ballack, faise con balón a uns 25 metros e dispara contra a meta de Banks. 1-0. De novo Gullit entra coma un foguete, pero un foguete dos gordos, polo medio e chuta. O balón cólase baixo o corpo de Banks, e xa temos o 2-0. Non se durman, señores siareiros que un inexplicable pase de Thuram ó corazón da nosa área remata co 3-0. E non hai moito máis que dicir, á marxe dun bo remate do capi Dzajic que dou ó Torpedo o gol da honra, e que, como non, Gullit, anotou o definitivo 4-1 de lanzamento de falta dende a frontal da área.

O Torpedo, por pezas:

Banks: 5. Atinado nos máns a máns, mais puido facer máis nalgún dos goles.
Thuram: 3. Desafortunado no terceiro gol. Discreto en xeral.
Madini: 4. Ben ó corte, mais superado fisicamente polos rivais.
Chivu: 3. Non se lle viu. Pouco inspirado.
Cole: 6.Ben en defensa, axudando ós centrais e voluntarioso en ataque. Fixo unha gran xogada.
Emerson: 5. Discreto debut, non se fixo nunca co control do medio. Ben sacando o balón.
Borowski: 2.Lamentable. Destruiu todo o xogo que pasou por el. Intentou o remate, sen sorte.
Ballack: 2. Tiña que se-la referenza, e desentendeuse do partido.
Boniek: 6. Turrou un mundo e puido marcar nun bo remate de testa.
Vladic: -. Sustitudo á media hora, parece que non se recuperou da sua doenza
Dzajic: 7. O Mellor. Marcou un gol, desbordou pola banda e mandou perigosos centros á area rival, que non atoparon rematador.

Tamén xogaron:
Bilic: 5. Correcto. Debutou co primeiro equipo.
Kalazde: 4 Non aportou nada.

Isto é todo. Polo de agora.