Primeira vitoria. Che Marx Ltd 1 - Torpedo 2

(Redacción)

Segundo encontro do Torpedo este ano, e primeira e inmerecida vitoria. A visita ó estadio do Che Marx Ltd. rematou un resultado proveitoso, mais a calidade do xogo do noso conxunto deixou un pouco que desxear.

O Torpedo salta ó céspede con:

Banks
Thuram(Bilic, min 45),Maldini,Chivu, Cole
Emerson,Ballack (Odonkor, min 52), Van Bommel
Boniek, Vladic, Dzajic

O encontro comeza cun dominio repartido entre os dous equipos, e ben cediño, unha boa xogada dos Babudos pola dereita, é culminada nun centro ó segundo pao que Eto'o remata de xeito tan imprevisto coma xenial. Non hai moita máis que contar ata o descanso, excepto un man a man que Vladic desperdicia, asi coma duas boas intervencións de Banks en sendos ataques do rival.

Os anos non perdoan, e un Thuram baldado deixa o seu posto á nova promesa do Torpedo, Bilic, que se mostrou moi seguro en tarefas defensivas, aínda que desacertado nos seus centros á área rival. 'The Painter', nas berzas unha vez máis, tamén foise ó vestiario antes de tema, dando entrada a Odonkor, que axudou no ataque co seu fútbol sincero.

As cousas non pintaban moi ben, xa que o Che non estaba deixando moitos espazos na defensa mais aínda así, van Bommel saca petróleo un rexeite na frontal e cun disparo ben centradiño acada o empate. Ningún dos equipos se conforma co empate e o que pintaba claro era que aquel que tivera mellor acerto na definición ía quedar cos tres puntos. O capi Dzajic, que anda feito un 'killer' sacou proveito dunha boa xogada pola dereita cun axustado chut coa dereita que remata no fondo das mallas (moi ben) defendidas por Castro, a nova promesa da canteira dos Babudos.

O Torpedo, por pezas:

Banks: 8. Moi seguro, excepcional dos derradeiros intres.
Thuram: 7. Traballador. Chegou esgotado ó descanso.
Maldini: 7. Ben ó corte.
Chivu: 6. Algún despiste. Ben en xeral.
Cole: 5. Irregular, correu sen moito xeito, pero fixo boas axudas ós centrais.
Emerson : 7.Seguro e efectivo no corte. Rematou un córner.
Ballack : 2. Na berza. Pois si que...
van Bommel: 9. O Mellor. Turrou un mundo, chegou arriba e por riba marcou.
Boniek: 7.Traballador, xogou no medio campo, sacando moi ben o balón.
Vladic: 4. Regular, non se lle viu moito, ainda que fixo algunha cousa de mérito.
Dzajic: 8. Moi ben, tanto no desborde coma na área. Marcou outra vez.


Odonkor: 6. Honesto.
Bilic: 7. Moi ben en defensa. Non se prodigou no ataque. Mellor así.