Á procura do dianteiro centro

(Redacción)

Fontes autorizadas falan de que o Torpedo, un ano máis, anda á procura do seu dianteiro centro definitivo. Desta volta nin sequera o inefable Bocazas é quen de dar un nome. Analicemos as opcións, si, outra vez, nunha nova tentativa por chegar ó cumio. Pero non vamos facer este traballo sós, hoxe temos connosco a Robert Jarni, o lendario goleador croata que nos vai da-la sua opinión sobre as posibles fichaxes.

- Pelé: "Un pouco lento, amáis de que da noxo sentilo falar. É moi bo, mais creo que el non é a solución á falta de títulos do clube. "

- Boksic: "Ah o meu vello amigo Alen. O malo que ten é que non corre moito, pero bueno, sería un gran reforzo"

- Puskás: "Moooi lento. Chuta moito. Que chute! Boum!. Cando estivo aquí fíxoo moi ben. Ten o problema da velocidade"

- Cantona: "Buf, é un gran xogador pero o problema que ten é que non corre abondo. Tamén está o do carisma, que aínda que non lle falta, non é a clase de carisma que encaixa no Torpedo"

- Tostao: "Oh, que clase. Pena da sua escasa celeridade"

- Lato: "Non corre todo o que debería. Non o vexo claro"

- Boban: "Boban no é dianteiro. A última vez que xoguei con el estaba de central, con Tudor. É un barco. Moi técnico, eso si"

- Suker: "Boa xente, un dos grandes entre os seus, os lentos"

- Martins: "Home, pois mira, a verdade é que ese rapaz vale moito. Ás veces lémbrame a min, pero sen marcar goles. Este defecto pode chegar a ser un problema para un dianteiro centro"

Para rematar un par de preguntas, se non lle roubamos tempo de máis.
Non, por favor, tampouco é que ande moi ocupado.

¿Cantos goles marcou na súa carreira?
Non sei, meu. Eso é para a sección esa que tendes de 'Pregúntalle a Marko'.

Ten o record de goles nun mundial, cre que algún día o superarán?
Non o creo, son un feixe deles, 24 se mal non lembro.

Din que vai voltar á competición, que hai de certo niso?
Seica si, pero bueno, non adiantemos acontecementos.

Son Dzajic e vostede compatibles?
Claro, como eu corro máis, fágolle os desdoblamentos e despóis chuto.

Ou sexa que xa ten clube...
Para o carro, xa se verá.

Quere engadir algo máis?
Pois non moito. Sorte para Dragan, que parece que últimamente anda falto dela. Ánimo!