O Shakhtar, Campión

(Marko Czalic - Montreal)

E con toda a cerimonia, xa saben: intoxicacións etílicas, caos nas rúas e xente pegañenta de suor que tenta facerte partícipe da súa ledicia. Como pode suar esta xente a -6ºC? O caso é que o Shakhtar de Montreal, nunha meteórica e inprognosticable segunda volta conseguiu o seu terceiro título da LPU ao vencer por 1-2 en Buenos Aires a Asaltacunas FC. Adrian Mutu pechou cunha falta directa a consecución do campionato, un camiño que el mesmo abrira -e polo mesmo procedemento- ante o MAG, na xornada 1. Ademais, os rusistas acadaron o título que os leva ao máis alto do palmarés no medio dunha xornada de violencia rública. A xeito de homenaxe aos gañadores, ninguén foi quen de vencer na casa en liga e só o Clash -precisamente o Clash, saqueador profesional- o fixo na Kopa, na que eliminou na resemifinal aos Tuzaros, finalmente colistas tras evitar esa posición o Pollo, que venceu ao Gloria. Os do Sir, pola súa banda, bateron nada menos que a Clash e Asalta e de momento son segundos. O máis probable é que non baixen da terceira praza.

A tempada fica pois próxima ao seu fin. A resolución da Kopa -que, como todos saben, puido ser a dos Tuzaros-, na que é o Clash o que agarda rival na final e os partidos pendentes de liga, con rublos e postos de honra en xogo, levarannos ao remate da tempada máis longa da WIFA, unha apaixoante T8, na que o longuísimo sprint do Shakhtar disipou a emoción só no último tramo. Até 6 equipos se viron en algún momento, coa competición xa avanzada, ben colocados para asaltar o título. O Shakhtar acumula 9 vitorias seguidas e pelexará ante Rif e Clash pola enorme honra de derrotar a todos os seus rivais consecutivamente. Os do Quebec foron desde o principio de tempada un grande equipo, de fútbol alegre e ofensivo. Foron medrando en solidez co paso das xornadas e á par dos resultados, e contaron coa sorte en pontuais momentos decisivos. A xenialidade de Mutu, a calidade de todo o once e, quizais, por riba de todo, a profundidade do banco, con Arshavin á cabeza, foron chaves no éxito.

	CLASIFICACIÓN LPU8	X	G	E	P	F	C	P	D
1	Shakhtar de Montreal	20	14	3	3	47	20	45	27
2	Gloria y Honor	22	11	5	6	33	19	38	14
3	Partisano Clash	20	10	6	4	31	22	36	9
4	Torpedo Zagreb	22	10	4	8	30	25	34	5
5	Asaltacunas FC	20	9	5	6	29	24	32	5
6	CG Fillos do Rif	19	9	4	6	24	21	31	3
7	Monte Alto Gunners	21	8	4	9	30	30	28	0
8	Análisis Matemático	22	7	3	12	37	38	24	-1
9	Pollo FC	22	5	8	9	29	44	23	-15
10	Babudos FC	22	6	4	12	18	35	22	-17
11	Ordem e Progresso	22	6	3	13	22	36	21	-14
12	Túzaros de Reiquiabic	22	6	3	13	25	41	21	-16

	Caixa	Cx. Fin.
Rif	3,5	3,5
Shakhtar	7,5	3,0
Clash	3,0	3,0
Ordem	-6,5	0,0
Análisis	-7,0	0,0
Pollo	-8,0	0,0
Asalta	-1,0	-1,0
MAG	-2,0	-2,0
Gloria	-4,0	-4,0
Torpedo	-4,0	-4,0
Tuzaros	-4,0	-4,0
Babudos	-6,0	-6,0