Un empate que sabe a pouco

(Redacción)

O noso clube ven de xogar no sempre complicadísimo campo do Shakthar, onde conseguiu un valioso empate que, ainda que fai xustiza ó visto no terreo de xogo, manten ós rapaces de Boniek un pouco afastados do primeiro posto.

Nun encontro moi estrano, onde só se xogou por rachas, o Equipo do Pobo golpeou primeiro cun disparo de Vladic que Niemi non foi quen de deter, a rematou por entrar chorando na porta dos canadianos. Logo diso, o Torpedo atrasou as liñas, tenando conter os ataques do rival. Pouco durou a festa, xa que un inimigo non identificado consegue bater a Banks e poñer o empate a un non marcador.

Xa no segundo tempo, e tras varias ocasións desaproveitadas por ámbolos dous conxuntos, nunha contra, Vladic de novo anota para os de Zagreb. Boa xogada individual do canteirán que cun forte disparo ó segundo pao batiu por segunda vez a Niemi que desta volta si que non puido facer nada.

De novo os locais estaban a remolque no encontro, mais un pequeno erro de Tudor fixo que Nihat culminara a porta baleira unha rápida internada pola banda doutro inimigo non identificado. O servizo de contraespionaxe falou de que pode ser que se trate de Tuncay, mais o Comité Xeral do Partido aínda non fixo seu este comentario.

Mais o mellor aínda estaba por chegar, xa no desconto, dúas ocasións clarísimas, unha para cada bando puideron desnivela-lo resultado final. Primeiro un remate de Koller, que gañou un balón centrado á área e que o mandou fóra canda estaba en situación de vantaxe para marcar. E na contra posterior unha gran internada e un centro perfecto de 'Franic' deixa totalmente só a Ivan Vladic. Este remata cun magnífico testarazo, máis aí Niemi fixo a parada do encontro, salvando ó seu equipo dunha derrota.

As calificacións:

Banks: 7. Ben en liñas xerais. Nos goles non puido facer nada.
Tudor: 6. Traballou a reo, mais cubrir a Koller non é doado.
R. Kovac: 8. Moi seguro, sempre vai ó corte con moito sentidiño.
Schneider: 6. Cumpliu, sen chegar a destacar.
Kalazde: 8. Moi ben. Un muro atrás e ben nas subidas pola banda.
Galásek: 6. Sobrio. Un día duro.
Van Bommel: 6. Apareceu menos do que é habitual nel.
Franic: 7. Moi ben creando xogo, e perigoso pola banda.
Shastkih(Ata min 57): 4. Moi desafortunado no remate. Traballou.
Boniek: 7. Moi ben nas axudas defensivas, un pouco espeso en ataque.
Vladic: 9. O mellor.Letal.

Olic(min 57): 5. Moi acelerado. Frea un pouco, ho!