Un pouco de regulamento e propostas

(Secretaría da WIFA)

Pois algo se falou e algo quedou por falar na derradeira Asemblea da WIFA. Así que aquí se recollen aquelas iniciativas que recibiron un certo apoio xunto con dúbidas xurdidas destas e con novas propostas de interese.

Ordem

Pois iso, Ordem. Que? Pronúnciese un pouco. Lembrámoslle que para acceder ao draft en condicións de "igualdade" debería anunciar a súa posible volta antes do remate da tempada actual.

Sistema rúblico

O asunto que parece máis claro é este. No canto de contar para os rublos os partidos na casa contra calquera rival, contaranse aqueles xogados, tanto fóra como na casa, contra os 4 rivais máis próximos na C.E. inicial de cada tempada (como até agora nas cantidades: +1,5/0/-1,5) . Isto obrigará a acelerar o procesamento de canteiráns a finais de tempada, xa que a C.E. inicial deixa de ser anecdótica. Quedou sen aclarar se nos partidos de Kopa se xogarán rublos en todos os partidos da casa, como até agora, ou se, en virtude do novo sistema, se xogarían tanto na casa como fóra pero só se toca un rival dentro do rango rúblico.

Sistema rúblico e Kopa do Pollo

Para compensar o feito de que se desputaría algún partido menos que antes con rublos de por medio e consderando que hai tempo que non se lle fai unha variación salvaxe á estrutura da Kopa do Pollo, velaquí unha nova proposta: xogaranse rublos na Kopa do Pollo, sempre que che toque contra rivais do teu rango rúblico (+1/0/-1, como na Kopa). Ademais, o sistema de competición sería: se somos 11, 3 grupos de 3 a unha volta e unha eliminatoria entre 2 a duplo partido. De aí sairían os 4 semifinalistas. Se somos 10, 2 grupos de 3 e dúas eliminatorias. Ademais, os grupos faríanse dacordo coa clasificación económica, de tal xeito que todos os equipos xogasen cando menos 2 partidos contra rivais do seu RR (rango rúblico).

Problema e solución

Un problema foi atopado ao novo sistema rúblico. Ao xogarse os rublos ambos equipos no mesmo partido, o balanzo global do partido vai ser case sempre 0. Isto faría que o conxunto dos equipos se mantivese por sempre no rango actual de valores, que non é un rango ideal senón meramente casual e que, até o de agora, podía tranquilamente variar. Existe unha proposta ben sinxela para resolver isto: a media tempada lánzase un dado de 6 e unha moeda (cara, +; cruz, -). Esta tirada afectaría as contas de todos os equipos cara o final de tempada, de tal xeito que todos terían que subir/baixar un fixo a final de tempada, aparte dos méritos conseguidos en competición.
Hai outro problema de orde menos práctica pero si máis litúrxica: déixase de distinguir entre partidos na casa e fóra. Quizais non fose mala idea xogar, en liga, a +2/-2 na casa e a +1/-1 fóra. Deste xeito, se hai moita vitoria local, subiriamos. Con moita vitoria visitante, baixariamos, como até agora.

Premios

Xa non é a primeira vez nin a segunda nin a terceira que se fala de ofrecer algún tipo de premio para os gañadores. O campión de LPU, como se sabe, conta co primeiro lugar no draft, mentres o campión de Kopa gaña un rublo (asociado á final) e a segunda praza do dito draft. Velaquí van algunhas propostas: dar un rublo ao equipo gañador do Shevsebio, do Dzajic, do AT e do Given. Restar un rublo aos equipos que teñan ao peor crack desas clasificacións (é dicir, o equipo que teña por mellor xogador nunha disciplina a un tipo que é superado por cando menos un de cada un dos equipos contrarios). Para os gañadores dos títulos non temos proposta aínda, pero compre advertir que se se pensa en gratificacións económicas se teñan en consideración 2 cousas: en primeiro lugar, calquera rublo que entre na WIFA debe saír por outro lado. En segundo lugar, neste caso, o recurso de quitarllo ao último non serve. Premiar economicamente ao campión pode ter sentido pero, desde logo, non fai o xogo máis igualado.

Legalización do Xogo

Como se comentaba, unha das cuestións que serían interesantes, desde hai xa tempo, sería a de desligar, cando menos parcialmente, a parcela económica dos resultados deportivos. Coa legalización do Xogo podería acadarse este obxectivo. O sistema consistiría en apostas de medio rublo (0,5 rublos) sobre os partidos de competición e nas que podería participar calquera agás os involucrados no partido en cuestión. Poderíase apostar a vitoria-empate-derrota, a resultado exacto, a quen marca primeiro, etc. Se nunha aposta non hai gañador, non hai perdedores tampouco. Levaríase conta nunha folla do apostado e publicaríase igual que a de resultados, para que cada quen fixese o seu reconto. A única excepción sería a grande aposta de final de tempada, que tería carácter obrigatorio. Podería decidirse entre xogarse de 1 a 2 rublos e consistiría en dar, antes da derradeira xornada da tempada, o nome do Campión da LPU. As restantes apostas terían carácter voluntario.

Sobre o límite de 20 rublos

Debido a que as fontes de movemento económico deixarían de depender tanto dos resultados en partidos, proponse limitar a aportación de rublos ao máis pobre aos rublos gañados en competición. Ademais, proponse tamén que o reparto de rublos ao máis pobre sexa a razón de medio rublo por xogador, de máis rico a máis pobre, do que teñan gañado en competición até que se chegue a un destes límites: 1) se esgote o gañado en competición polos 3 máis ricos e 2) se chegue a diferenza de 20 rublos.

Asunto esencial

E o asunto esencial de cada asemblea. A volta de Ivan Vladic. E tamén (quizais) dos outros canteiráns xeneticamente modificados. O promotor anónimo da iniciativa estipula que só se poida opinar sobre isto de xeito afirmativo.

Draft

Comecen a redactar os seus drafts aqueles que teñan rematado ou estean próximos ao remate. Cando o Shakhtar teña o seu (pendente aínda de partidos de Kopa), remitirao a un espectador neutral e avisará para que comecen a enviar os seus.

Opinen, valoren, matinen e remitan, se as teñan, novas propostas que serán engadidas á noticia. Gracias.
.