Entrevista a Pituco, adestrador do ex-suacilándico MAG

(Marko Czalic - Montreal)

Achegámonos hoxe a Monte Alto, o barrio do ex-partisano Luis Suárez, para entrevistar ao amigo Pituco, adestrador do primeiro equipo africano da WIFA (reconvertido agora no segundo equipo galego). A realidade é que a escala do voo Zagreb-Montreal se alongou moito máis do previsto e aproveitamos para dar a coñecer as intencións deste novo proxecto suacilandés, o MAG. E porque, seguindo o seu fino olfato xornalístico, unha vez máis, o inmenso Czalic intúe que algunha exclusiva caerá. Particularmente porque conta coa vantaxe de escribir esta introdución con posterioridade á citada entrevista. Pituco recíbenos nos campos da Torre co seu circunspecto semblante habitual, sempre preocupado polas vicisitudes que adoita atravesar o fútbol base.

- Moi boas, home. Había xa ben tempo!

Había bastante si. Dende que viñeches co teu rapaz a xogalo torneo internacional de futbol base, creo. Carmucha mandalle bicos.

- Como levas o de cruzar a liña de observador -e comentarista de Telecoruña para a LPU- e adestrador do Marte CF á grande responsabilidade de poñerte na primeira liña?

O final o fútbol e fútbol, ainda que pelexar cos grandes as veces e peor que cos rapaces.

- Para os nosos lectores máis tecnolóxicos: como se fai un escudo? Quero dicir, en que formato hai que gardalo? A que tamaño? Pode ter fondo transparente?

Bueno, eu diso noche sei moito. Recordo que o do marte fixemolo nun trozo de madeira porque daquela non tiñamos para papel, ¿sabes?, eran outros tempos.

Pituco (dereita) co seu xenro Alfonso

- Cales son os plans dos Gunners para a tempada en curso? O comezo foi aceptable, cun calendario esixente pero xogo e resultados irregulares. Algún plan a medio prazo?

Bueeno, non che empezamos mal de todo. Perdimos dous partidos decisivos, un deles, contra o Gloria acabou con algún nunha esquina do vestiario tremendo de medo… o que viviron eses rapaces en África, que o sabe…Para axudarlles con iso chamei a un vello amigo, ti coñecelo oh, o Potemk.

- Non digas! O Vladimir?? Home, iso si son boas noticias! Xa deixou o frenopático, daquela?

Deixouno e non o deixou, xa sabes. Pero o de ser o meu segundo parecelle ben o seu loqueiro. Non sei que carrallo de que un ambiente deportivo e saudable… o que lle fai falla e una cunca de ribeiro e unha partida de dominó. Pero xa sabes, estes medicos novos…

- Deisler, Hagi, Potemk... tedes sicólogo, no equipo?

O Potemk di que vailles aplicar non sei que "estilo de vida zen" ou "zan", non che sei, que aprendeu no frenopático ese. Mentres tanto entrenan cos benxamins e parece que algo de sentidiño están a coller, a semana que ven irán cos alevíns…

- E conta, que hai da canteira? Semella que un rapaz polivalente tenta abrirse sitio.

Pois temos ahí a Diego, que lle chaman "o chino", non che sei moi ben porque porque e de aquí de toda a vida… pero bueno. Aprendeu a xogar no mercado de monte alto, nun sitio que se che marcan gol tes que baixar tres pisos a polo balón… e como e moi vago, aprendeu a parar de carallo. O de xogar de central e medio defensivo e porque e moi bruto... el di que e de "ir a bullas"… vamos as ostias de toda a vida…

- Fútbol base ou planetas unidos? Cal é a paixón verdadeira de Pituco?

Estou as duas cousas, os venres na LPU e os domingos vou a torre a ver os partidos dos rapaces. Antes non quería entrenar na LPU porque parecía atletismo, e a min o que me gusta e o futbol, non eh?

- Fálenos do plantel que ten nas mans... Afaise a tanto crack? A quen destacaría?

De momento estou vendo cales son os galiños do galiñeiro, a eses hay que atalos porque se non o equipo deixa de xogar unido. O plantel pareceme moi bo, compensado e capaz de facer un bo futbol.

- Que conserva o clube da época de Swazilandia e en que se diferencia?

Pois por traer non trouxeron nada, porque quedamos coa defensa que era moi boa, pero non se adaptaron demasiado ben e andan medio tolos… asi que Potemk ten moito traballo para relaxalo xogo da defensa e estar concentrados.

- Cal é agora o seu derbi? Contra o Rif? Contra o Ordem? Outro?

Pois non che sei, contra a Limia non che temos nada en contra, e turquia e marrocos levanse ben (hehe)

- Non che roubo máis tempo que me sae o avión. A seguir ben e boa sorte!

E logo, ¿non quedas a comer? Mira que a Carmiña vai facer callos. Ti verás.

Pituco despídenos cun aceno e sen sacar as mans dos petos, como sempre. Está convidado a xantar na casa da filla, xogadora da selección galega de fútbol sala. Nin el nin Alfonso, o seu herdeiro no banco do Marte, perderon detalle do Victoria-Orillamar de categoría alevín, que concluiu cun satisfactorio empate a cero.