Gagarin conquista Montreal

X4. Pollo 3-1 Shakhtar
Basturk; Torres (Basturk); Torres (Barnes); Bican (Messi)
CuS: Terry
CA: Mellberg, Basturk

X13. Shakhtar 2-1 Pollo
Larsson; Barnes (Zlatan); Messi (Larsson)
CuS: Basturk
CA: Brolin

Barnes 1g 1p
Basturk 1g 1p 1ca 1sc
Bican 1g
Brolin 1ca
Larsson 1g 1p
Mellberg 1ca
Messi 1g 1p
Terry 1sc
Torres 2g
Zlatan 1p

Iuri Gagarin, sen escafandra, festexa a súa primeira LPU

Despois chegará o Presidente e terá a súa versión, que todos devecemos por ler. Pero o que aconteceu, basicamente, foi que o Shakhtar saltou -sen centrais capacitados- ao Estadio de Malmö en busca dos 3 puntos que lle garantían o título. E Zlatan, algo resfriado, saltou á cabeza do bando pollil para tentar impedírllelo e enmendar un pouco a tempada dos suecos. Comezou o partido, o Pollo con 5 atrás e algún matiz táctico para frear a sangría das últimas xornadas. O Shakhtar, tras 7 vitorias consecutivas, a evitar sustos de última hora. E os mangostas colleron o control, dominaron, chegaron, dispararon. Buscaban o gol que abrise a conta, dese a calma, despexase o camiño. Pero atopouno Basturk na área contraria. Os rusistas recibiron o pau, pero non se descompuxeron. Remontar un 1-0 era posible, claro. E seguiron a dominar o partido, pero a defensa de 5 probábase eficiente á hora de enfriar a finalización das xogadas, ou dificultar os remates. Entón, o banco sueco decidiu que xa abondaba de arrastrar á súa estrela polo campo, coa tos que tiña o pobriño, e decidiu substituílo por Torres, que se atopaba moi ben agás por un leve acceso de ébola ao que ninguén lle prestara atención. E Torres saiu ao campo, con sangue propio embadurnándolle a camisola e un pedazo de ril aínda enganchado aos dentes; na primeira xogada recibiu un pase de Yildiray Basturk, Mensah tivo medo de achegarse polo do contaxio, e Torres batiu a Zubizarreta polo primeiro pau, como se non tivese nada de raro xogar con ébola. Así sentenciaba o Pollo o partido. O Shakhtar botouse arriba á desesperada, con Shevchenko de central, pero a cousa xa non marchaba ben. Os xogadores desquiciaban co marcador tras dominaren con certa claridade. Barnes centrou ao enfermo e Torres, mentres vomitaba grimosisimamente, saltou en posición moi forzada e picou o testarazo que, cunha precisión incrible e moitos restos de sangue, comezou a se dirixir cara o mesmiño centro da portería, exactamente onde estaba Zubizarreta. Por sorte, o gasteiztarra, prodixio de reflexos, foi quen de se lanzar cara o interior da portería, de cu e un chisco cara un lado para esquivar o letal esférico. 3-0. Só na última acción do partido, boa combinación do Shakhtar, magnífico balón interior de Messi para a grande diagonal de Bican, e Pepi anota o seu 3º gol da LPU20. Contundente e estraña derrota. Se o Shakhtar non vence ao Pollo no Durruti, o Rif -aínda cnha tarefa titánica por diante- dependerá de si mesmo.

E comeza o xogo en Montreal, e comeza semellante ao encontro de Malmö. Só que, esta vez, Larsson dispón de tres ocasións claras no primeiro tempo, e nunha delas non perdoa. No saque central subseguinte, Zlatan entra a tombos na área pequena e cede a Barnes, que empurra o 1-1. É o único achgamento pollil en todo o primeiro tempo. O Shakhtar comeza a ver pantasmas e busca o 2-1 antes do descanso, pero volve errar. O segundo tempo iguálase un pouco, pero os mangostas andan ben concentrados e intensos. Larsson recibe na posición de mediapunta con moito rival diante, pero percibe o sprint exterior de Messi e envía un balón profundo e preciso cara a chegada do arxentino á área. Messi está entrando pola dereita e o balón vaille directo ao pé malo, pero non dubida. Sabe que quedan poucas ocasións para gañar o partido. Arrisca cun remate duro, de primeiras, ao segundo pau. Supera a Maier e a bola entra a media altura, xunto ao poste. Os minutos que restan apenas teñen máis historia que a emoción do seu propio decurso, que vai achegando ao Shakhtar á súa 5ª LPU, 15º título da WIFA. Fodido rival, o Pollo.

Chegou Iuri Gagarin, o Cosmonauta, e á primeira acadou a LPU. Recuperou ao mellor Park, exprimiu a Bozsik, mellorou detalles dun bloque consolidado e contou co entusiasmo e a inspiración de Larsson e Messi, que aínda compiten polo AT da tempada. Moi contento ao remate do partido, declarou: Agora imos ver se logramos rematar coa supremacía tremenda do Puto Rif nas KP con repesca. E lograr así o doblete que lle falta ao clube. E o ano que vén, contamos con Arshavin. Queremos ser imparables. E xa non puido falar máis, porque os seareiros o pecharon nunha cuba de whisky para cumprir coa tradición de lanzalo ao San Lourenzo.

.