Clemente deixa a cidade do frío

por Igor Czalic

Xabier Clemente abandona o banco de adestrador do Shakhtar, informa Panto Espanto desde Montreal. Alan Moore asume así a totalidade das funcións na dirección técnica do equipo, encargado até o de agora unicamente da parcela defensiva, mentres o euskaldún dirixía as funcións de ataque. O Shakhtar dilapidou boa parte das súas opcións a revalidar o título da LPU e tamén deixou no camiño a Kopa do Pollo, debido fundamentalmente a unha febleza defensiva que o convirte, hoxe por hoxe, no conxunto máis goleado do campionato -Niemi fora segundo no premio Given da LPU8-. A razón da marcha é esta e o razonamento consensuado é que esta inestabilidade que convirte os partidos nun correrrúas radica na perda de precisión no xogo de combinación ofensiva do equipo. O Shakhtar chegou á porta rival dun xeito significativamente superior aos seus opoñentes na práctica totalidade dos partidos desputados, coas excepcións do encontro ante Pollo FC, que dominou, e dos partidos igualados ante o Rif e o da Kopa do Pollo co Análisis; ambos perdidos polos quebecos. O problema derivábase da falta de oposición que atopaban os rivais cando acadaban as inmediacións da área de Niemi. Espérase agora unha proposta máis seria para buscar unha milagre en liga e rematar a tempada do mellor xeito posible. Malia o cambio táctico, non se esperan no clube modificacións do plantel no minidraft.

Atendida esta información de última hora, a análise do que levamos de campionato é como segue:

- Rif: Sensacional. A súa capacidade de recuperación de balón e a calidade e contundencia de Kalusha e Romario convirten a este novo equipo en favorito para o título. O segredo deste equipo, numericamente, atópase nos goles encaixados, a anos luz dos dos seus rivais. Máis que en Buffon, a explicación atópase nunha atinada defensa en todo o campo. A súa chegada á WIFA resultou un completo éxito e unha grande noticia para a competición.
- Pollo: Os millóns de seareiros deste carismático equipo ollan con ilusión a que é, polo momento, a súa mellor tempada. Pero todo o mundo coñece xa o pollismo e a súa complexa relación coa regularidade e as segundas voltas. En teoría, debe loitar co Rif polo título nun duelo 1 a 1 como non se viu nunca. As súas bazas son a experiencia e o inmenso Zlatan.
- Shakhtar: Xa está.
- Tuzaros: En Reiquiabic (Londres) óllase con esperanza o futuro inmediato. O equipo só cedeu, en desputados duelos, ante os tres equipos que o preceden. A súa melloría palpable en todas as liñas aínda non coñece teito. E contan con Eto'o, a estrela da tempada.
- MAG: Quen sabe? Un inicio espectacular abriu moitas espectativas. Un baixón final nos resultados alonxouno algo da cabeza, pero é un equipo en lenta e segura progresión, algo difícil de ver na WIFA.
- Asaltacunas: Demasiado irregular, a súa desconfianza en Yashin é un síntoma de que as cousas andan revoltas. Se é quen de bater ao Ordem no encontro pendente abrirá perspectivas algo alentadoras. Sempre perigoso. En semifinais na Kopa do Pollo, loitará por amarrar un título que ten a tiro.
- Torpedo: Semella que o troco de adestrador/es conferiulle unha maior solidez e pode servir de base a unha mellora de maior rango. Saiu do pozo en que se metera no inicio. Un dos equipos que espera con máis fe o minidraft.
- Babudos: De menos a máis; afinando e buscando seguir a senda do MAG das melloras constantes. Carisma e capacidade para optimizar recursos son os seus puntos fortes. Dá a impresión de ir cara arriba.
- Análisis: Unha casa de tolos desde que retornou á WIFA, o logro de chegar por primeira vez a unha final kopeira pódelle dar o pulo preciso a un clube de calidade recoñecida e presente caótico.
- Ordem: Malia que presenta batalla seria en cada encontro, resúltalle moito máis doado atopar o camiño da derrota que o da vitoria cando se move sobre o aramio. Gañou o seu último partido. Os seus cambios estruturais de plantel precisan consolidarse antes de daren froitos.
- P. Clash: Coa súa participación nesta tempada pendendo dun fío, o temible equipo escocés sería unha incógnita nesta difícil liga. Se apostan, fágano porque se achegaría bastante aos primeiros. A súa participación pode mudar as perspectivas de moitos cara a segunda volta.

Informou Igor Czalic, ex-xogador coa licencia de futbolista suspendida por presunta dopaxe xenética.