Asaltacunas lidera impecable, Rif persegue valente, resto pelexan dignos, máis ou menos

Impresionante xeira de Asaltacunas que, con 9/9 asinou o mellor comezo da historia da LPU e igualou o mellor rexistro de trunfos consecutivos, ata entón en poder do Shakhtar. E por un par de minutos non logrou o 10/10 e a honra de ser o primeiro en batir a todos os rivais consecutivamente. Aí apareceu o espírito do Pollo, con Basturk para roubar un balón e asistir a Shevchenko, nova fichaxe do Presidente e inimigo mortal de moitos membros da WIFA, e o ucraíno marcou o gol do empate. Así e todo, Asaltacunas superou tamén nova rolda na KP (xa vencera aos Túzaros), ao vencer no desempate con moitísimo sufrimento a un máis merecedor Partisano Clash, clasificando para as semifinais da póla principal do torneo. Os do Duque non coñecen pois a derrota na T21, na que se amosan inmunes a merecementos, xa sexan propios ou alleos. Equipo sólido e difícil, marcando as diferenzas dentro das áreas máis ca nunca: extrema as accións defensivas para levar ao rematador rival ao límite, chegado o caso. E marcha con firmeza cara o gol na porta rival, ben por camiños coñecidos, ben coa máxima concentración na definición. Un plantel que é un exemplo de disciplina e traballo no campo. Parabéns.

Detrás, pois o Rif. Tamén 20 goles en prol, tamén 7 en contra na primeira metade do torneo. Quizais un xogo algo superior ao do seu rival, no conxunto dos partidos. Pero seis puntos menos. Non está moi claro por onde lle escapan ao Rif os puntos que non cede o Asalta. Parece que a única explicación é que este desafía á estatística mentres aquel se amosa relativamente razoable con ela. Pero non deixa de ter grande mérito que co incrible ritmo de récord do líder, haxa un rival disposto a lle desputar o título, se titubea. O Rif xa non pode errar máis ou, polo menos, non pode facelo antes que o aristócrata, ferido levemente por Shevchenko durante a segunda batida.

No resto, destacan dous detalles: o P. Clash, que leva bo ritmo (a igualdade de partidos, sería terceiro) na súa tempada de retorno e cun plantel moi limitado; e a relativa igualdade entre os demasi, que pelexan sen se entregaren e buscan subir algún posto. O Ordem é tamén unha das sensacións da tempada, aínda que precisa unha nova boa xeira, antes de que esta remate, para acadar un posto que se axuste á evolución do seu xogo nos últimos tempos.

Velaquí os datos da T21. Como poderán ver na clasificación do AT, Romario é un magnífico dianteiro. Pronto, resumo da T20 e de datos históricos.



"Río de Schaaf", declarou Gagarin.

Os seguintes valores (xunto aos obtidos da clasificación da lpu) son os que hai que engadir/restar aos que están ao final desta noticia:

EQUIPOS	BZ	RIVAIS PENDENTES
Shakhtar	0	Túzaros, Asalta, Torpedo
Tuzaros	1	Asalta, Torpedo, Rif
Asalta	3	Rif
Torpedo	0	Túzaros, Asalta, Rif, River
Rif	1	Pollo
River	1	Pollo, Rif
Pollo	-1	Ordem
Swazi	1	Pollo
Ordem	2	Babudos, P.Clash
Clash	2	MAG
Che	1	P. Clash