Zbigniew, meu, que che fixeron?

O C.P.Q.V.D.B.D.P.C. (Comité Para Que Vos Dean Ben Duro Polo Cu), cidadán, ilegal, zagrebí, independente e torpedil desexa facer constar o seu firme desprezo pola dirección na que algúns están a mover ao Pobo, particularmente a Boniek e a todo o de Zagreb tras del. O APZ (Auténtico Pobo de Zagreb), unha das organizacións con máis destacada presenza no C.P.Q.V.D.B.D.P.C. e impulsor principal do mesmo, vai máis aló e en solitario na súa crítica e desexa dicir, textualmente, que O Partido é APERTURISTA, así, con maiúsculas; e denunciar que está en proceso de TRANSICIÓN, tan procaz como soa; e declamar que esta é a fin e que axiña van empezar a explicarnos que o SUPERMERCADO é guai porque alí podes escoller ti mesmo o que queres comer e que o libre mercado é unha xanela cara a prosperidade; e remarcar que todos lembramos o que lles pasou aos países do pacto de V e como comezou todo e atopamos enormes semellanzas.

O APZ asume todas as consecuencias que poidan derivarse desta a súa declaración e desexa deixar á marxe da mesma ao resto do C.P.Q.V.D.B.D.P.C., que apenas ten que dicir máis que o seu propio nome e o pouco que pon alí arriba, pero que así e todo está moi firmemente en contra pero non tanto porque algúns temos familia e sendo mozo é moi doado falar e ser idealista.

Por último e principal: RECUPERADE A BONIEK, FILLOS MAL PARIDOS DUNHA CAPITALISTA ESPAÑOLA CON ASCENDENCIA DE TEXAS; RECUPERÁDEO E FACEDE ALGO BEN GORDO PARA SUBSANAR O AGRAVIO OU AQUÍ VAI ARDER TODO E MÁIS O DE ARREDOR. PERO NON TIÑADES OUTRO SITIO PEOR ONDE MANDALO, PIMPÍNS DO CARALLO? SÓ VOS FALTOU REGALÁRLLELO AOS TUZAROS OU A UN EQUIPO ANARQUISTA! QUEREMOS OS NOSOS CARTÓNS DE RACIONAMENTO E A PROTECCIÓN E PRESENZA EXHAUSTIVA DO ESTADO NAS NOSAS VIDAS E, SOBRE TODO, A O ROXO, A EL POLACO, DE VOLTA EN ZAGREB PARA ONTE. CUNHA BOA EXPLICACIÓN E UNHA BOA DESCULPA.

Boniek -agora mercenarizado polo Partido- fai burla na fotografía dunha marca comercial tras dar outra vitoria máis ao Pobo do seu país
.