Confírmase a 'Revolución Ñórdica' mentres o Asalta xa ameaza

Un, non. Tres. E se non o cren, miren onde estaban os líderes da competición hai ben pouco tempo. Un movemento sísmico está a remexer a clasificación até os límites do incrible. Grandes noticias para a competición, para o espectáculo e, sobre todo, para os protagonistas: os tradicionais ñordos. Se ben hai xa algún tempo que viñan avisando, a confirmación resulta mesmo esaxerada e a superposición de rebeldías case corre o risco de tapar os méritos individuais. Pero non todo é o que parece e o Asaltacunas, con défice de partidos, semella andar na procura de deixar todo isto nun cromatismo clasificatorio pintoresco. Mentres, o Torpedo non ergue a cabeza para desesperación de seareiros e corpo técnico e o Pollo asinou un inicio lamentable, pero conta aínda con tempo para a mellora, amarrado ao inmenso Zlatan Ibrahimovic. O Ordem segue ao mando, coa súa intachable tarxeta de partidos.