Torpedeando: Balanzo da T7

(Redacción)

Hoxe temos connosco a Bruno Conti, un xogador que non foi nada doado de fichar, mais aínda así non fixo no campo nin a metade do que se agardaba del. Consciente (ou non), de que xa ten reservado un billete de tren de só ida cara Finlandia, imos falar con el por vez primeira neste xornal e que nos faga un balanzo non oficial da tempada.

Moi boas, Bruno. Que, facendo as maletas?
(Abatido) Si, aquí estou. Un pouco triste polo meu rendemento. Entendo perfectamente que o míster non conte comigo de cara á vindeira tempada.

É consciente de que non deu unha a dereitas, perdón, a esquerdas, nos encontros oficiais?
Seino. Pedín outra oportunidade, mais parece que a decisión xa está tomada. Sei que o clube tivo que desembolsar moitos rublos para que eu viñera a Zagreb, e o meu traballo foi bastante mediocre.

Falando de rublos, que pensa dos 'politiqueos' da WIFA. Está ó tanto das posibles variacións no mercado?
Si, tento estalo. O que pasa é que teño pouca personalidade e entón, son moi influenciable. Agora, o que vexo claro é que tódolos xogadores deberían valer o mesmo, teñen o mesmo dereito. Tamén é certo, que en Italia pensan o contrario, o que me ocasiona todo un conflito. Eu propoño que tódolos xogadores sexan iguais e teñan o mesmo valor.

Claro, claro, así que todos con estadísticas en 75 e xa está?
Si. Eso facilitaría moito as cousas. E as fichaxes serían moi graciosas. Perdón. Non ten gracia ningunha.

Bueno... Que pensa do asunto dos clásicos? Sendo vostede un dos afectados...
Home, para min os clásicos son por exemplo Plinio 'O Vello' ou Homero. De Plinio 'O Novo' non me gusta case nada, só os relatos cortos. Non entendo que ten que ver isto comigo. Eu non escribo moito, só cando vou mercar o pan e tal, para que non se me esqueza nada.

Cal é seu futuro inmediato?
Pois non sei, polo momento vou ir á casa, á Italia, que teño á muller un pouco abandoada. Logo xa veremos. Supoño que seguirei xogando ó fútbol, mais en equipos de divisións inferiores. A non ser que reciba algunha oferta para xogar na LPU, claro está.

Pódeme facer un balanzo da tempada?
Foi unha boa Sub-tempada. O míster está moi enoxado. Hoxe, antes de marchar ás vacacións dicía "Que carallo pasa, que o teño que facer todo eu?!", mirando para van Bommel. Non me gustaría estar no seu lugar.
Falaban de trocares un pouco o sistema táctico, pero como eu xa non vou estar aquí falaban en baixiño para que non me enterara.

Sabe quen vai vir a ocupar o seu sitio?
Non, hai rumores. O outro día Boniek e Favalli andaban lendo algo coma "O Fillo Pródigo", mais non lle podo dicir máis.

Pois nada, ho, que vaia todo ben.
Graciñas. Sorte ós compañeiros, en especial a Emerson, unha grande persoa. E tamén unha aperta ós siareiros, que se portaron moi ben comigo todos menos un. A ese non lle agradezo nada.