Uns poucos puntos (LER! TODOS!)

1) Eu non vou levar o draft máis. Agradezo a Diego, que se ofreceu a levar o desta tempada antes mesmo de que eu tomase a decisión. O que si aseguro é que eu non serei un estorbo para quen o leve e que o entregarei nun prazo moi breve desde que se poña en marcha -antes mesmo de que remate a tempada e aínda cando teña un rublo en dúbida-. Se ando mal de tempo, fódome eu e apáñome cun draft de mínimos, pero non vou cargar os meus retrasos sobre o tipo que estea pendente. Levar o draft adoita ser un coñazo incomprensible, porque incomprensiblemente require perseguir á peña e incomprensiblemente require tamén con frecuencia recibir respostas-pega ou ausencia de respostas en troques de colaboración. E estar pendente do mesmo desde que o primeiro se pon en marcha ata que os últimos deciden que lles vén ben facelo ou que moralmente xa é correcto draftear.

2) Esixo saber se queredes seguir cos individuais ou non. Con "Esixo" quero dicir que quero resposta de todo o mundo, aínda que sexa unha abstención. Que é o que voto eu, como resultado da situación actual. Seguir cos individuais non me dá moito choio. O que si me dá choio é agardar a que lle pareza ben/poida publicalos á xente que os ten, que é aínda menos choio do que logo asumo eu. Actualmente só están entregados os datos do Clausura da LPU22, polo que faltan os do Apertura 22, Kunka 22 e KP e Superkopa 22, en papel aparte. E iso xa co Apertura e Clausura 23 rematados. Se a resposta colectiva é si, velaquí o que significará: tan pronto remate un torneo (Apertura, Clausura, Kunkas, etc.), abrirase un prazo máximo dunha semana para que me cheguen os individuais. Con máximo quero dicir que se os enviades nunha hora ou nun día, mellor. Unha vez entregados e publicados, abrirase outro doutra semana para que cada equipo meta os seus datos de equipo no arquivo da tempada. E despois outra semana para que eu publique todo. O incumprimento por parte de calquera de calquera destes prazos non provocará sancións, senón o meu cese definitivo con respecto a esas tarefas. Se logo o quere facer outro doutra maneira, adiante. Polo tanto, un "si" significa que nunha semana, desde hoxe, temos que ter publicados os datos individuais da Ap22 e 23, Cl22 e 23, Kk22, KP22, SK22 (pero este prazo é adaptable, esta vez, se ides querer seguir e concorren condicións moi particulares agora mesmo; aínda así, habería que fixar un). Un "non" paréceme unha opción, pero quero saber qué é o que queredes.

3) Se o anterior é un si, Ordem, MAG, Rif e Asalta aínda deben enviar os seus planteis da T23 a wifa.info. Dentro do mesmo prazo antes indicado. E todo o mundo os da T24 nunha semana desque remate o draft actual. O non cumprimento terá as mesmas consecuencias que os anteriores.

4) Non se volverá avisar destes prazos nin se perseguirá a ninguén para que os cumpra (total para, ás veces, nin recibir resposta...). Ábrense, péchanse e punto. Entendo perfectamente que a xente estea moi liada, porque eu mesmo o estou. Non vou entrar nunha competición de liadismo con ninguén. É unha simple cuestión de vontade e, se non a hai, pois non a hai e tampouco pasa nada. Pero que sexa dando a cara.

5) Quen ou cómo ten que facer todas esas tarefas non é asunto meu. Eu sei que co que asumo xa teño máis que cuberta a miña cuota na cadea de produción.

6) Non participo en votacións nin en movidas alén das estrictamente necesarias ata que decidades qué imos facer con cousas que teoricamente xa decidiramos con anterioridade.

7) Isto non vai contra ninguén nin estou molesto con ninguén en particular. Moita da xente que agora leva tremendo retraso nalgunhas cousas, fixo bastante curro noutras ocasións. E, ademais, tampouco me vou cabrear con ninguén por isto, só fodería. Pero o funcionamento global actual é completamente ridículo e inútil. Sobre todo para min, que dependo das decisións dos demais para rematar os distinos minicurros. Que, por outra banda, son todos chorradas de entre 1 e 20 minutos. Os meus e os de todos.

8) Isto é un xogo e debe ser só iso. Así que decidide onde está a fronteira diso para vós e votade en consecuencia. Calquera voto me parece ben. Co xeito en que se están a levar agora as cousas, convírtese para min nalgo semellante a un traballo; e de aí a parrafada.

9) Forza Justin Bieber e David Vidal!
.