Ultimátum xeneroso

Non deixen de ler -e aproveitarse de- as noticias de auténtico interese. Decidan, para o futuro, se prefiren negociar co Babudos ou co MAG.

Faltan 3 equipos por dar os seus datos individuais da T22. Se para o xoves non están, as clasificacións individuais desa tempada (Shevsebio, Dzajic, etc.) elaboraranse cos dispoñibles e só eses se incorporarán ao arquivo histórico. Os demais, figurarán como ceros. Hoxe é luns, así que creo que a marxe, unida á anterior, é máis que ampla. Entendo perfectamente que uns teñen máis tempo que outros, segundo a época, e o mesmo co acceso a internet. Pero considero que, con todas as facilidades que se deron, o que aínda non o fixo foi porque non quixo. Un dos equipos implicados é o River, así que se busca voluntario. Os demais, por se hai dúbidas, son Rif e Asalta. Cando enchades os datos, lembrade que hai que engadirlles os das finais da Superkopa e da Kopa do Pollo, publicadas aparte no Xornal e que afectan aos datos de Asalta, Rif, Túzaros e River. Se hai dúbidas, estarei no correo electrónico.

Feito isto, comezaremos a recopilar os datos da T23 (da que falta, aínda, o plantel do Rif e creo que o do Asalta, que dixo que o puxera máis eu non atopo onde). Así que hai que decidir quen fotografía e envía o Apertura, quen o Clausura e quen pasa ao Xornal as fichas dos partidos kopeiros. E despois seguiremos o mesmo procedemento: os que dean os seus individuais nun prazo razoable, entrarán nas loitas polo Shevsebio, o Dzajic, etc. e sumaranse ao histórico. E os que non, pois non. NÉGOME a arrastrar estas movidas ata a tempada 25.

Non responder a esta mensaxe (e refírome aos aludidos), no sentido que sexa, como non responder a outras nas que se pediron cousas, é unha das cousas máis chungas que se poden facer. Moito máis que un "non, non o fago". En todo caso, todas as medidas que se están a tomar, que van moi ben encamiñadas e levan pinta de acabar con estes cristos, mellorar o funcionamento e minimizar o traballo, están tamén destinadas a que esa ausencia de respostas deixe, a min, por exemplo, de encabronarme. Porque cando algún outro propón algo, reclama, etc, eu estou no grupo dos que responden, aínda que me parezan paridas. E máis axiña respondo se penso que se trata de algo que supón curro para os demais.

Así que é moi doado: o que non queira ver os seus individuais das tempadas 22 e 23, pode pasar de todo (moito mellor se o di que se o deixa ir) e reincorporarse no sinxelísimo procedemento das tempadas 24 en adiante.

Evidentemente, se hai interese real por facer estas cousas e existe un impedimento concreto, fálase, ponse outra data razoablemente próxima e punto. Isto é obvio, pero curiosamente nunca se deu a circunstancia.
.