A renta do Duque apura as xornadas

O Rif téntao pero peca de irregular e algo enfermizo, e desperdiciou a bala conseguida ao derrotar aos ducais no enfrontamento directo. Mentres, o líder -que sufrira xa ante o Shakhtar a primeira e severa derrota da tempada, nunha cadea de putadas- amosouse implacable nos partidos en que as cousas se lle puxeron de cara e tirou de efectividade para vencer a un River moi mermado, gañou un duelo igualado aos Babudos por 1 gol a 1 poste e vapuleou ao xeneroso Torpedo. Segue así o seu ritmo campión, administrando un traballo esencialmente xa feito. Restan poucas xornadas e a pelota está no tellado do Rif, na obriga da Vitoria Suma se quere aínda aspirar a un susto. Pero volvamos ao Torpedo e aos tellados: mimadriña, como se di en Zagreb. Que pare pronto de chover a ver se facemos un novo. Cando están en contra, están en contra, e mesmo a Banks tocoulle apañar o gol do campionato, un carallazo descomunal do denostado Larsson desde a casa. O Shakhtar malgastou un espléndido estado de forma gañando partidos de LPU que xa non o levarán a ningures, cando ten tanto traballo pendente nas kopas. Os rusistas seguen a xogar igual, pero o balanzo de goles comezou a se desprazar desde o inicio da tempada de "algúns propios e bastantes do rival" a "moitos propios e poucos do rival". Demasiado tarde, como dito queda, para a LPU. En todo caso, aí están os seus números de verbena: 4 goles por partido. Os Túzaros, pola súa banda, apenas tiveron tempo de dicir "gañar, empatar, perder" antes de que a xornada ficase cancelada; o seu ton foi, en todo caso, de signo positivo. Os Babudos deben loitar como bestas na súa Grande Guerra, que xa non hai dúbida ningunha de que é a falta de gol. Esta chegou a estremos dramáticos, sobre todo á vista do xeneroso caudal ofensivo do equipo. Só do fútbol de Brian Laudrup, simplemente, deberían extraer xa 1 ou 2 goles por partido. Débense a si mesmos unha boa explicación, sobre todo de cara ao futuro inmediato e qué facer con tanto rublo, pero tamén na "toma de decisións de cara ao gol" sobre o céspede.

Na Kopa do Pollo hai xa primeira final. Será Asalta-MAG. O Torpedo caeu á repesca, onde loitará co Rif por unha praza contra o Shakhtar, por unha praza contra o perdedor da primeira final, por unha praza contra o gañador da mesma, por outra praza contra o mesmo, por un título. Xa saben que a KP é sinxeliña.





DRAFT DE INVERNO

TUZAROS

INTERCAMBIO: MOLLER (10) se va al RIF a cambio de Yaya Toure (11)
FICHAJES: Se va Sissoko (9) y ficho a GARRINCHA (9)

TORPEDO

SÓCRATES (12) por DZAJIC (11)

POLLO

PLATT (10) por BARNES (10)
.