O Torpedo esmaga a Rebolución

Marko Czalic - Korntzatr

Nunha acción sen precedentes, catalogada xa como a acción máis parva da historia da WIFA, o Torpedo Zagreb afundiu a Rebolución que se xestaba para a T22. Unha tempada deseñada polo Regulamento para marcar o inicio dunha nova era, que tiña por distintivo o de ofrecer opcións semellantes a todos os equipos para acadaren o título e que, polo tanto, podía colocar ao Torpedo nunha excelente situación de partida. Pero o incomprensible fervor contrarrebolucionario dos dirixentes do Partido fixo que o Torpedo se autoinmolase con tal de impedir a alteración das xerarquías. E fíxoo do xeito máis suxo posible: negociando. A cousa é que nesta T21, o suposto equipo do Pobo está a facer un papel lamentable. Coa tempada tirada, todo era terreo aboado para ambiciosas probaturas destinadas a facer un fútbol campión na T22. Pero os dirixentes pervertiron gravemente esta idea ao tomar un rublo emprestado do Rif para desfrutar de Sócrates durante media tempada. O colmo du luxo capitalista. Traizón. Ademais, para colmo, prometeuse ao xigante de Chaoui devolver este préstamo con 2 rublos para a tempada da suposta Rebolución. Un 1 por 4 (1 rublo para media tempada contra 2 para toda a tempada) en toda regra. Para darlles unhas hostias. O Torpedo non só regalou as súas lexítimas opcións ao título, senón que colocou aos de Selassie no punto de lanzamento cara o campionato, por riba de todos os seus rivais. Nada que dicir, esta vez, da actitude de sorriso pasivo e cínico do puto Rif. Pero isto non é todo. O Torpedo enfróntanse, ademais, a unha probable e xustificadísima demanda babuda por agravio, ao timalos pola vía de excluílos de semellante choio de operación. O máis probable é que o tribunal esixa ao Torpedo que entregue, cando menos, outro par de rublos aos Babudos. É durísimo dicilo, pero somos a vergoña do Pobo. Precisamos cambio de dirección xa.

Destapado por Marko Czalic. Ata iso logou o Torpedo. Sacar ao nº1 do seu retiro espiritual.
.