Tulipáns adulterados

(Marko Czalic - Montreal)

Ollo! Moito ollo! Ponllo no ollo! Menos mal que anda Czalic por aquí... Segundo este grande reporteiro, unha mafia holandesa de ex-representantes de xogadores -profesión ilegal desde o primeiro acordo dos convenios- podería levar un par de tempadas falsificando documentos, estatísticas e softwares procedentes de Holanda con destino WIFA coa finalidade de incrementar o valor oficial dos seus ex-representados. Todos os xogadores holandeses -particularmente os máis contemporáneos- están agora baixo sospeita, aínda poderían ter quedado fóra de xogo nesta perversa estratexia urdida polos malvados intermediarios. En efecto, son os supostos beneficiarios do pase, pero ao non se teren apercibido da súa posición, poderían ser doadamente obxecto de chantaxe despois de consolidar os seus beneficios durante un certo período, situación da que non poderían saír sen ver a súa imaxe pública seriamente danada. Os ex-representantes estarían a perseguir, como obxectivo secundario, conquistar o mundo. Aínda que tamén podería ser que os propios xogadores, ou algúns deles, estivesen implicados. E mesmo pode que en realidade non pase nada, xa saben o que ocorre co xornalismo de investigación. Pero hai datos que non cadran, e aquí está Czalic para contárllelo.

Así que, xa saben. Revisen o seu plantel e, se dan cun holandés, examíneno con lupa. Palabra de Czalic.

O Clash lisca cara o éxito

(Marko Czalic - Montreal)

Sen concesións e cun ritmo infernal heroicamente sostido por algúns opoñentes en certos momentos da competición, os partisanos comezan a aburrir a unha LPU7 que puido ter sido emocionante. Só Gloria y Honor, a importante distancia xa, pode manter algunha expectativa sen necesidade de apelar a un absurdo matemático. Os escoceses están a ser un martelo-pesadelo de puntos e tiranizan a liga co ritmo de puntos dos mellores anos de Asaltacunas FC. Por Montreal, na casa dos seus eternos rivais, as cousas andan tan revoltas como sempre, aínda que o mal rollo marchou canda Andriy Shevchenko e todo o mundo simula ser feliz. Aínda quedan moitas cousas por dilucidar nesta LPU, onde cada posto e cada rublo é loitado como unha vida. E ademais agárdanos como grande colofón final a resolución da K7. Pero non nos adiantemos tanto. O Clash aínda non é campión. Desfrutemos do fragor dos combates, no entanto.

X12. Shakhtar - Asaltacunas

Un grande clásico levemente devaluado entre os dous clubes de historial máis brillante da WIFA. As 'Smorgas Titov', desta volta con Putinka no canto do Smirnoff, levaron por diante a Park e Rosicky mentres a grada tentaba dilucidar por que todos os amigos de Egor son centrocampistas. Os ducados presentábanse sen Javi Navarro, que comparecía no xulgado por tentativa de homicidio á hora do encontro. O partido foi de doada lectura. O Shakhtar saiu a dominar e combinar cara o gol. Asaltacunas, a destruir e contragolpear con continuas entradas de Humberto por banda dereita. Os madrileños tiveron máis éxito co seu plan. Un Berti algo 'tocado' non era nin sombra dos xogadores aos que debía suplir e a fluidez no xogo local viuse resentida. A incorporación de bonhof ao centro do campo facilitou as salvaxes entradas de Humberto polo carril esquerdo da defensa montrealina e a estratexia visitante non por agardada resultou menos exitosa. Preto do final do primeiro período, Lúcio cabeceou un centro ao que non chegara Torres, no que despois petou o balón para volver dar en Lúcio e significar o 0-1. Comezou o segundo tempo, Puskas chutou como un animal e Jääskeläinen non puido atallar. Joaquín acadou a porta baleira o 0-2 e de Asaltacunas non se volveu saber en ataque agás por algún fóra de xogo de Torres en envíos desde campo propio. Shatskikh entrou por un paupérrimo Berti e o Shakhtar dispúxose a morrer coas botas postas. Unha sensacional combinación dos rusistas a 12' do final supuxo o 1-2 cando Gilberto Silva rematou con vantaxe o pase final de Azutkin. Na última xogada do encontro, con todo case decidido, Maldini amosou toda a veteranía e toda a clase que atesora e, tras recibir un balón á saída do saque de recanto quebrou dentro da área a un defensor, fixo oco para o disparo e axustou xunto ao pau malia a boa estirada de Acuña (2-2). O empate non impediu que os locais se afundisen na loita pola liga, pero deu algo de xustiza ao resultado.

X17. Shakhtar - Pollo

E nada, chegou o grande día, o partido máis agardado en Montreal. A visita do clube preferido das bancadas do Durruti. O único equipo en dúas tempadas que conseguiu rublos a costa do Shakhtar. En loita pola 3ª praza (na que leva vantaxe o Torpedo, polo de agora), o Pollo dominou o xogo con claridade no inicio e do dominio xordeu o gol de Ljungberg. Coa desvantaxe conseguiu o Shakhtar equilibrar o partido sobre o terreo, se ben non no marcador. Cando comezou o segundo tempo, Zlatan, que xa errara as súas, atinou por fin coa porta e os de Montreal se vían de novo na mesma situación. Levantar un 0-2 para deter a sangría. Unha sangría que deixou de ser metafórica cando o exército de taladores visitante atinou a enviar a Emlyn Hughes á enfemería. Até tres cartóns viron os suecos como premio ao seu fútbol 'entusiasta'. Unha boa xogada dos locais contra a media hora rematou cun pase de Koller a Hleb, que fixo o 1-2 con habilidade. Despois chegaron os mellores minutos dos negroavermellados e, no último suspiro, Maier enviou incriblemente a córner o trallazo cruzado de Rosicky desde case o vértice da área pequena. O Pollo defendeu ben a sucesión de córners e marchou cos tres puntos.

	CLASIFICACIÓN LPU7	X	G	E	P	F	C	P	D	R
1	Partisano Clash	14	11	1	2	30	12	34	18	3,0
2	Gloria y Honor	15	8	4	3	25	14	28	11	1,5
3	Torpedo Zagreb	16	7	5	4	35	23	26	12	3,0
4	Pollo FC	16	7	4	5	31	32	25	-1	-3,0
5	Shakhtar de Montreal	15	7	3	5	26	23	24	3	-4,5
6	Asaltacunas FC	16	4	7	5	21	21	19	0	-1,5
7	Swazilandia BP	16	3	5	8	17	22	14	-5	-3,0
8	Análisis Matemático	14	3	4	7	15	25	13	-10	-4,5
9	Tuzaros de Reiquiabic	15	3	4	8	19	34	13	-15	-4,5
10	Ordem e Progresso	10	3	2	5	12	18	11	-6	0,0
11	Che Marx ltd	13	2	5	6	15	22	11	-7	-1,5

				LIGA
		SE		DZ
1	Eusebio	14	Stoichkov	12
2	Boniek	13	Van Persie	6
3	Drogba	13	Bozsik	5
4	Vladic	12	Schneider	5
5	Zlatan	11	Batistuta	4
6	Koller	10	Boniek	4
7	Larsson	10	Eusebio	4
8	Milla	7	Hleb	4
9	Puskas	7	Milla	4
10	Kanoute	6	Edu	3
11	Shevchenko	6	Jerkovic	3
11	Torres	6	Koller	3
11			Ljungberg	3
11			Park	3
11			Ribery	3
	AT TOTAL	AT	ENCAIXADOS	GV
		(PTOS)
1	Eusebio	26	Toldo	12
2	Boniek	25	Given	14
3	Stoichkov	22	Cech	18
4	Vladic	21	Acuña	21
5	Koller	20	Castro	22
6	Park	19	Julio César	22
7	Milla	16	Banks	23
8	Zlatan	16	Niemi	23
9	Drogba	15	De G. / Taff.	25
10	Hleb	15	Maier	32
11	Batistuta	14	Pagliuca	34
				TOTAL
		G		P
1	Vladic	17	Stoichkov	12
2	Eusebio	16	Van Persie	7
3	Boniek	15	Bozsik	6
4	Drogba	15	Park	6
5	Koller	14	Schneider	6
6	Zlatan	12	Boniek	5
7	Larsson	11	Eusebio	5
8	Puskas	9	Titov	5
9	Milla	8	Batistuta	4
10	Torres	8	Hleb	4
11	Hleb	7	Jerkovic	4
11	Park	7	Milla	4
11			Ribery	4

Como ven, hoxe incluímos como novidade a listaxe de goleadores e pasadores totais da tempada. As clasificacións de primitivismo e cartóns amarelos quedan para outra ocasión, cando se produzan nelas variacións de interese respecto do xa publicado.

Novo convenio colectivo

Onte foi asinado o novo convenio colectivo do sector, que deu por resultado a existencia de xogadores de 22 rublos. Todos lembrarán as consecuencias no sector zapateiril dos xogadores de 6 rublos... Pois imaxinen como sentou isto... Jarda Simr vén de declarar que a el non o fode nin dios e que, se é necesario, sacará o coiro para as súas botas novas dos seus irmáns pequenos. Sen comentarios. Análise en profundidade en http://www.rebelion.org/zapateros-joyeros-y-su-relación-con-el-judaísmo, polo inmenso Marko Czalic.

En base a este novo convenio, publícase o estado de contas actual dos clubes da WIFA, traducidas xa ao novo sistema de prezos.

	Caixa	Final
Asalta	3	3
Clash	3	3
Gloria	2	2
Ordem	0	0
Che	-2	0
Análisis	-7	0
Torpedo	0	-2
Shakhtar	-3	-3
Pollo	-4	-4
Swazi	-4	-4
Tuzaros	-5	-5

Lendo entre líneas o convenio chegamos tamén á conclusión de que, con toda probabilidade, a vindeira tempada voltarase ao sistema de +2/-2.

12 equipos?

Estamos outra vez de cisma na WIFA. A posible entrada dun 12º equipo participante está a xerar as clásicas polémicas que ás veces xorden espontáneamente da nada e outras con nimias excusas. Veremos en que conclúe a votación.

'Sume usted mismo'

A WIFA, cun eslogan castelanista, insta aos seus membros a calcular por si mesmos o novo valor dos seus planteis e remitilo a:

Cuartel Xeral Itinerante da WIFA, Rúa WIFA, s/n, C.P. 1, Tron