Os Tuzaros encaran a recta de meta

O MAG cedeu o liderato case ao remate dunha moi brillante tempada. O Shakhtar apreta os dentes até o final, e sumou un empate sufridísimo ante o Rif e unha boa vitoria ante o equipo do Pobo para subir o listón de dificultade a quen queira o título. E o que quere o título son os Tuzaros. Tres partidos por diante. Dos doados, a priori, atendendo á clasificación. Aparentemente, cinco puntos abóndanlles aos maricas, ante a deportiva indiferenza da Presidenta Vicky. Claro que... Babudos e Ordem van plantar cara. Quererán preparar unha T18 máis ambiciosa cun orgulloso final. E ambos clubes teñen tradición de fodeligas. O Pollo, pola súa banda e malia todo o dito, é o único equipo que depende de si mesmo para ser campión. As mínimas opcións dos suecos medrarán a case razoables se son quen de vencer aos pijos no encontro pendente. Para o Shakhtar -que non se vía tan arriba desde a prehistoria-, para o valente e sorprendente MAG e para o inevitable Rif, o soño segue en pé; para iso loitaron. Mentres, os ascendentes Tuzaros aínda teñen que pechar como súa unha liga que o foi.




POSIBLES TROCOS

Un par de posibles trocos. Os equipos pitufos poderían non participar na presente edición da Kopa. Ademais, para tempadas vindeiras, é probable que só a xoguen 4 deles e non todos.

Por outra banda, os equipos con partidos de atraso poderían ver aos seus adestradores sancionados cando as incomparecencias reteñan a competición. Deste xeito, os demais adestradores terían dereito a guiar a estes equipos até que teñan desputadas o 80% das xornadas que levaban de promedio o total dos competidores ao inicio da sesión. No caso actual, por exemplo, no que a media é 12, o Pollo podería ser levado por mans alleas até a xornada 10 na vindeira sesión -se non comparece; cóntase con el, en principio-. Faríase o mesmo cos partidos kopeiros: se un equipo cumpre a regra do retraso en liga, podería desputarse a eliminatoria que estea a bloquear en kopa sempre e cando xa haxa cando menos un equipo na rolda seguinte. Opinen de todo isto, se queren.

Por outra banda, sería interesante tentar habilitar as xornadas online, en beneficio presidencial. Para isto, espérase a colaboración dos entendidos e a implicación activa do propio presidente.
.